好多香港人去台灣仲多過去銅鑼灣，所以唔少人知呢間連鎖 Cafe 嚟咗香港便蜂湧朝聖，採訪當日是開店第 6 日，已爆足全日，做殘了老闆。
6 年前在旅行必去的忠孝敦化站附近的小巷開了第一間店，現今全台共 6 間，台北車站和 101 附近的更是著名，上咗樓嘅銅鑼灣店是第七所。 小店走中級咖啡店路綫，咖啡和食物定價比呢期最紅的 Habitu 或其他精品咖啡便宜，但卻有 full menu。小店將台灣的營運模式倒模到香港，咖啡是由台灣新鮮烘焙拼配再運來香港，店內有兩種拼配，它們混合了不同比例的牙買加、爪哇跟委內瑞拉豆製，清怡帶果香又易接受：又強調超靚的擺盤及高質素食品，店內有窩夫、三文治及自家製甜品供應，全部即叫即製，最勁係麵包用上超高質素的供應商，像牛角包就來自希慎一所排晒人龍、累計賣足 20 萬個的麵包店，其他三文治用的北海道牛角包就來自 DonQ。最爆係侍應唔理係來自台灣或本港，一律同客人講國語，老闆說讓我哋 100% 浸喺台灣味裏面。
